معاشی مسائل، بھارتی کرکٹ بورڈ نے آئی پی ایل کی انعامی رقم آدھی کردی

بھارتی کرکٹ بورڈ نے آئی پی ایل کی انعامی رقم بھی آدھی کردی تاہم اس بار فاتح سائیڈ کو 20 کے بجائے صرف 10 کروڑ روپے ملیں گے، اسی طرح رنر اپ کو اب سوا 6 کروڑ جبکہ تیسری اور چوتھی پوزیشن کی حامل ٹیمیں 4.375 کروڑ فی کس وصول کریں گی۔

واضح رہے کہ اخراجات بچانے کیلیے ہی اس بار آئی پی ایل کی افتتاحی تقریب بھی نہ سجانے کا فیصلہ کیا گیا ہے۔

بھارتی بورڈ کا کہنا ہے کہ اخراجات میں کمی کے اقدامات کی وجہ سے انعامی رقم میں کمی کی گئی ہے۔

بھارتی خبر رساں ادارے پی ٹی آئی نے ایک ذریعے کے حوالے سے بتایا ہے کہ بورڈ نے یہ اقدامات اس لیے کیے ہیں کیونکہ آئی پی ایل کی فرنچائز (ٹیمیں) اسپانرز سے بھی ایک خطیر رقم کماتی ہیں۔

یاد رہے کہ پاکستان سپر لیگ 2020 کی فاتح ٹیم کو 5 لاکھ ڈالرز (سات کروڑ 75 لاکھ پاکستانی روپے) ملیں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے