کورونا وائرس: برطانیہ لاک ڈاؤن، اٹلی میں 6 ہزار اور امریکا میں 500 ہلاکتیں

دنیا بھر میں کورونا وائرس سے تباہ کاریوں کا سلسلہ جاری ہے جب کہ نئی کیسز سامنے آنے کے بعد برطانیہ میں بھی لاک ڈاؤن کردیا گیا ہے۔

گزشتہ شب برطانوی وزیراعظم بورس جونسن نے ملک بھر میں لاک ڈاؤن کا اعلان کرتے ہوئے عوام کو گھروں میں رہنے کی تاکید کی اور خلاف ورزی کرنے والوں کے لیے سخت کارروائی کا حکم بھی دیا۔

برطانیہ میں کورونا کے بڑھتے کیسز کے سبب مجموعی تعداد 6650 ہوگئی ہے جب کہ اب تک 335 افراد جان سے ہاتھ دھو بیٹھے ہیں۔

چین میں کورونا وائرس کو قابو کرنے کے بعد اس سے مزید بچنے کے لیے احتیاطی تدابیر اختیار کی جارہی ہیں۔

چینی دارالحکومت بیجنگ میں بیرون ملک سے آنے والے شہریوں کے لیے سخت اقدامات کیے جارہے ہیں اور بیرون ملک سے بیجنگ آنے والوں کو کورونا کے ٹیسٹ کے ساتھ 14 روز کا قرنطینہ بھی مکمل کرنا ہوگا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے