کورونا ویکسین آپ کو مالا مال کرسکتی ہے، لیکن کیسے؟جانیں

کورونا ویکسین آپ کو مالا مال کرسکتی ہے، لیکن کیسے؟جانیں

کیلی فورنیا ( پاپولر ویب ڈیسک) کیا آپ کبھی یہ سوچ سکتے تھے کہ کورونا ویکسین آپ کو مالا مال بھی کرسکتی ہے، جی ہاں ایسا ممکن ہے لیکن وہ خوش نصیب شہری صرف امریکی ہیں جن کو ویکسی نیشن کرانے پر لاکھوں ڈالر انعام میں ملیں گے۔امریکہ میں عالمی وبا قرار دیے جانے والے کورونا وائرس سے بچاؤ اور تحفظ کے لیے ویکسین لگوانے والے شہریوںکو لاکھوں ڈالر انعام دینے کا اعلان

کیا گیا ہے۔امریکی ذرائع ابلاغ کے مطابق یہ اعلان امریکی ریاست کیلی فورنیا کے حکام کی جانب سے کیا گیا ہے جس کی تفصیلات گورنر نے بیان کی ہیں۔ انعام دینے کے لیے شہریوں کو حکام کی جانب سے ایک ڈیٹ لائن بھی دی گئی ہے۔میڈیا رپورٹس کے مطابق کیلی فورنیا کے گورنر کا یہ اقدام ویکسی نیشن بڑھانے کے عمل کا حصہ ہے جس کے تحت 15 جون سے قبل کورونا ویکسین لگوانے والے 10 افراد میں سے ہر ایک کو 1.5 ملین ڈالرز بطور انعام دیے جائیں گے۔امریکی میڈیا رپورٹس کے مطابق اس کے علاوہ دیگر 30 افراد میں سے ہر ایک کو 50 ہزار ڈالرز انعام میں دیے جائیں گے جب کہ پہلے 20 لاکھ افراد کو 50 ڈالرزکےگفٹ کارڈ دیے جائیں گے۔کیلیفورنیا میں حکام 15 جون سے کورونا پابندیاں ختم کرنے کا ارادہ رکھتے ہیں۔ 15 جون سے قبل ویکسین لگوانے والوں کو116.5 ملین ڈالرز کے نقد اور گفٹ کارڈز دیے جائیں گے۔

Share

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے