بالی ووڈ اداکارہ کاگردہ ناکارہ۔۔۔!!! حکومت اورمداحوں سے مددکی اپیل کردی

بالی ووڈ اداکارہ کاگردہ ناکارہ۔۔۔!!! حکومت اورمداحوں سے مددکی اپیل کردی

ممبئی (ویب ڈیسک )کم از کم دو بولی رومانٹک کامیڈی فلموں میں اداکاری کے جوہر دکھانے والی نوجوان بھارتی اداکارہ نے گردوں کی بیماری کے باعث حکومت اور مداحوں سے مدد کی اپیل کردی۔’ٹائمز آف انڈیا‘ کے مطابق بھارتی ٹی وی کے مشہور شو ’کرائم پیٹرول‘ کی نوجوان اداکارہ اننیا سونی گردے ناکارہ ہونے کے باعث ہسپتال داخل ہیں، جہاں سے انہوں نے مدد کی اپیل کردی۔رپورٹ کے مطابق اداکارہ کے 6 سال قبل 2015 میں دونوں گردے فیل ہوگئے تھے، جس کے بعد ان کے والد نے انہیں ایک گردہ عطیے کے​​​​​​​ طور پر دیا تھا مگر اب ان کا مذکورہ گردہ بھی درست کام نہیں کر رہا۔ اداکارہ نے اسی حوالے سے انسٹاگرام پر ہسپتال کے بسترے پر بنائی گئی ویڈیو بھی شیئر کی اور حکومت سمیت لوگوں سے مدد کی اپیل بھی کی۔مذکورہ ویڈیو میں اداکارہ کو بسترے پر بیماری اور درد کی وجہ سے کمزور حالت میں دیکھا جا سکتا ہے جب کہ ویڈیو میں انہیں انتہائی کم رفتار میں بولتے ہوئے دیکھا جا سکتا ہے۔اداکارہ نے ویڈیو میں بتایا کہ انہیں فوری طور پر کچھ دوائیاں دے کر ان کی حالت کو کنٹرول میں لانے کی کوشش کی جا رہی ہے، جس کے بعد ممکنہ طور پر ان کا ڈائلاسز شروع کیا جائے گا۔اداکارہ نے بتایا کہ وہ گردہ عطیہ کرنے والے ’ڈونر‘ کی بھی تلاش میں ہیں، تاہم انہیں تاحال کوئی خاص کامیابی نہیں ملی۔ ٹائم آف انڈیا کے مطابق اننیا سونی ’کرائم پیٹرول‘ سمیت چند ٹی وی شوز اور معروف ڈراموں ’عشق میں مرجاواں اور عادت‘ میں بھی کام کر چکی ہیں جب کہ وہ ’ٹیک اٹ ازی اور ہے اپنا دل تو آوارہ‘ جیسی فلموں میں بھی کام کر چکی ہیں۔بیماری سے قبل وہ تیلگو فلموں اور ڈراموں کی شوٹنگ میں مصروف تھیں، تاہم اچانک ان کی طبیعت خراب ہونے پر انہیں ممبئی کے نجی ہسپتال داخل کرایا گیا، جہاں ان کا علاج کیا جا رہا ہے اور توقع ہے کہ جلد ان کا ڈائلاسز شروع کردیا جائے گا۔اننتا سونی نے حکومت اور مخیر حضرات سے مدد کی اپیل کرتے ہوئے لوگوں سے گردہ عطیہ کرنے کی اپیل بھی کی اور بتایا کہ کچھ عرصہ قبل ہی ان کے گھر میں آگ لگ گئی تھی، جس کی وجہ ان کی مالی حالت بھی خراب ہوگئی۔اداکارہ نے بتایا کہ وہ اداکاری سے پیسے کما لیتی تھیں جب کہ ان کی والدہ گارمنٹس کا کاروبار کرتی تھیں مگر کچھ عرصہ قبل ان کے گھر میں اچانک آگ بھڑک اٹھی تھی، جس وجہ سے ان کا تمام سامان جل کر خاک ہوگیا اور بدترین مالی مشکلات کا شکار ہوگئے۔

Share

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے