اناللہ واناالیہ راجعون تیزاب گردی کا شکار ٹک ٹاکر دم توڑ گئیں

اناللہ واناالیہ راجعون تیزاب گردی کا شکار ٹک ٹاکر دم توڑ گئیں

کراچی(ویب ڈیسک)کراچی کے علاقے بلدیہ ٹاوَن میں سابق شوہر کے ہاتھوں مبینہ طور پر تیزاب کا شکار ہونے والی خاتون ٹک ٹاکر انتقال کر گئیں۔پولیس کے مطابق بلدیہ ٹاؤن کے علاقے میں گزشتہ ماہ سابق شوہر کے ہاتھوں مبینہ طور پر تیزاب کا شکار ہونے والی خاتون سول اسپتال میں زیر علاج تھیں۔ خاتون سول اسپتال میں 23 دن زیرعلاج رہیں۔ خیال رہے کہ گزشتہ ماہ بلدیہ ٹاؤن کے رہائشی سابق شوہر نے مبینہ طور پر خاتون پر تیزاب پھینک دیا تھا جس سے خاتون کا 30 سے 35 فیصد جسم جھلس گیا۔واقعے کا مقدمہ مقتولہ کی​​​​​​​ ہی مدعیت میں سعید آباد تھانے میں درج ہے۔ ملزم ذیشان واردات کے بعد فرار ہوگیا تھا جسے بعد میں پولیس نے گرفتار کرلیا تھا۔متاثرہ خاتون کے بھائی نے دعویٰ کیا تھا کہ بہن کو شوہر نے واٹس ایپ پر طلاق دی تھی اور ملزم طلاق دینے کے بعد بھی تنگ کر رہا تھا۔بھائی کا کہنا تھا کہ میاں بیوی ملکر ٹک ٹاک بناتے تھے۔ شوہر نے میری بہن کو ٹک ٹاک بنانے سے منع کیا۔ صبح بہن گھر سے نکلی تو ملزم نے تیزاب پھینک دیا۔

Share

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے