لاہور(ویب ڈیسک)وزیراعلیٰ پنجاب کی مشیر اطلاعات ڈاکٹر فردوس عاشق اعوان نے پی ڈی ایم پر کڑی تنقید کرتے ہوئے کہا ہے کہ فسادی مولانا کی قیادت میں ڈکیت گینگ نے عبرتناک رسائی سے بھی کچھ نہیں سیکھا،دربدر بھٹکتی ٹوٹی پھوٹی پی ڈی ایم گھسے پٹے بیانیے کے ساتھ پھر سے پتلی تماشا کررہی ہے۔اپنے ایک بیان میں انہوں نے کہاکہ پی ڈی ایم کے مسترد شدہ کردار اپنی دم توڑتی انتشارانہ سیاست سے خود خوفزدہ ہیں۔ پٹے ہوئے کرداروں پر مبنی راہزنوں کی کہانی اب مزید نہ چلے گی۔ فلاپ پی ڈی ایم فلم کو سکرینز پر زندہ رکھنے کی کوشش کی جارہی ہے۔انہوں نے کہاکہ فسادی مولانا کی قیادت میں عبرتناک رسوائی سے کرپٹ ٹولے نے کچھ نہ سیکھا۔ دوسری قسط میں پہلے سے زیادہ ہزیمت ڈکیت گینگ کا مقدر بنے گی۔ پیپلزپارٹی اور اے این پی سمندر برد ہوتی پی ڈی ایم کشتی سے چھلانگ لگا چکی۔ اقتدار کا حلوہ فضل الرحمن، شوباز شریف اور پی ڈی ایم چمچوں کو میسر نہ ہوگا