اسلام آباد(ویب ڈیسک)وفاقی وزیر داخلہ شیخ رشید احمد نے کہا ہے کہ پنجاب پولیس جوہر ٹائون دھماکے ملزمان کی گرفتاری کے قریب پہنچ چکی ،عوام کوجلد اچھی خبر سنائیں گے ۔ اپنے ایک ویڈیو پیغام میں وزیرداخلہ شیخ رشید نے کہاکہ پاکستان کبھی کسی دباو میں نہیں آئے گا ۔افغانستا ن بارڈ ر پر ہم نے  چھیاسی فیصد اورایرانبارڈر پر چھیالیس فیصد فینسنگ ہوگئی ہے۔انہوں نے کہاکہ وزیراعظم عمران خان کی حکومت میں سیاسی اورمعاشی استحکام آیا ہے پاکستان کے دشمنوں کو یہ چیز ایک آنکھ نہیں بھاتی۔انہوں نے کہاکہ دشمنوں نے دہشت گردی کے راستے اپنا نا شروع کیا ہے وہ ناکام ہوں گے۔انہوں نے کہاکہ پاکستان کے عوام پاک فوج کے ساتھ ملکر اس ملک میں امن استحکام اورترقی کاسفر جاری رکھیں گے۔وفاقی وزیر داخلہ نے کہا کہ پنجاب پولیس نے جوہر ٹاون دھماکے کی تحقیقات میں زبردست کامیابی حاصل کی ہے پنجاب پولیس ملزمان کی گرفتاری کے قریب ہے اور جلد ملزمان کو قانون کی گرفت میں لیکر عوام کو اچھی خبر سنائیں گے۔شیخ رشید احمد نے کہاکہ جو لوگ ملک میں انتشار پھیلانا اور پاکستان کو انڈرپریشر لانا چاہتے ہیں وہ ناکام ہوں گے۔