پاکستان تحریک انصاف کے لانگ مارچ کی مختلف ویڈیوز سوشل میڈیا پر زیرگردش ہیں جن میں سے ایک ویڈیو سابق وزیراعظم عمران خان کی بھی سامنے آئی ہے۔
لانگ مارچ کے دوران پی ٹی آئی کے ایک کارکن کی شیل کیچ کرنے کی ویڈیو سوشل میڈیا پر وائرل ہوئی جس کے بعد اب چیئرمین پی ٹی آئی کی بھی ایک ویڈیو وائرل ہورہی ہے جس میں انہیں کنٹینر پر کیچ کرتے دیکھا جاسکتا ہے۔
ویڈیو میں دیکھا جاسکتا ہے کہ لانگ مارچ میں شریک کارکنوں نے عمران خان کی جانب ایک پیکٹ اچھالا جسے انہوں نے باآسانی کیچ کرلیا۔
عمران خان کی اس ویڈیو کو سوشل میڈیا صارفین کی جانب سے پسند کیا جارہا ہے اور صارفین کرکٹ چھوڑنے کے کئی برس بعد بھی کنٹینر پر کھڑے ہوکر مہارت سے کیچ کرنے کی تعریف کررہے ہیں۔
پاکستان تحریک انصاف کے چیئرمین عمران خان کی جانب سے لانگ مارچ کے دوران ننھی سی بچی کے سر پر دستِ شفقت رکھتے ہوئے ویڈیو سوشل میڈیا پر وائرل ہے۔ سیاسی جلسے، جلوس، لانگ مارچ اور دھرنے میں غیر معمولی واقعات کا سامنے آنا ایک معمول کی بات ہے مگر اس بار سابق وزیر اعظم عمران خان کی لانگ مارچ سے ایک ننھی سی بچی کی ویڈیو خود عمران خان کی جانب سے شیئر کی گئی ہے۔
اس ویڈیو میں دیکھا جا سکتا ہے کہ بچی کے سر پر پیار دینے کے لیے کنٹینر پر کھڑے عمران خان کے پاس اِسے لایا جاتا ہے۔ یہ ویڈیو اور اس منظر کی تصویریں سوشل میڈیا پر خوب وائرل ہیں اور پی ٹی آئی کے حمایتیوں کو خوب بھا رہی ہیں۔
